XIV. CONFINT: Gazteen MANIFIESTOA

XIV. CONFINT-IKASLEEN MANIFESTUA Iraes 21ko ordezkariak gara, Euskadiko ikastetxetatik gatoz garapen jasangarriarekin konpromesua daukagulako. Garapen jasangarrirako eta EA 2030ko helburuak ditugu, haiek jarraitzen soilik gure munduko egoera hobetzea lortuko dugu. Badakigu ez dela erraza izango baina gizarte osoa bateratzean bakarrik lortuko dugu. Gure inguruan dauden hainbat arazo aztertu ditugu, hala nola: uraren, arroparen, teknologiaren, paperaren kontsumoa… Uraren eta arroparen kontsumo txarraren adibide erraza: bost minutuko dutxa txiki batek ehun litro gastatzen ditu. Kamiseta sinple batentzako 2700 litro gastatzen dira. Bestalde, Estatuan 100.000 tona arropa botatzen dira urtero, hor dago arazoa, arropa egoera on batean botatzen dela. Kontsumo desegoki hori batez ere informazio faltaren ondorioz sortzen da, adibide errazena sare sozialak dira. Han bertan arazo larriei garrantzi gutxi ematen zaie. Ozono geruza hasiera batean denok genekien zulo bat zuela eta gutxinaka hori ixten joan da gaur egun kontzientziazioan aurrera pausoak eman ditugulako. Eskolan kontzientzazio horri inportantzia gehiago eman behar zaio, haur gehienek beraien bizitzaren zati handiena han pasatzen dutelako; hainbat gurasok inportantzia kentzen diote arazo horiei beraz irakasleen esku geratzen da. Hemezortzi urte baino gutxiago izanda, kasu askorik ez digute egiten eta orduan konpondibe gutxi bideratu ahal izaten ditugu. Ez gaitasun faltagatik baizik eta entzun nahi ez gaituztelako. Gizartearen aurre iritziak aldatu egin behar dira, azken batean gu garelako mundu honen etorkizuna. Busturian, 2024ko maiatzaren 15ean