1.ATAZA COLEGIO VIZCAYA 23-24
larunbata, abendua 23, 2023
osteguna, abendua 21, 2023
1go ataza- AXULAR BHI
Kaixo, Axular institutoko IRAES taldekideak gara. Taldea txiki bat gara, 1.Batxiko 7 ikasle hain zuzen ere. Kultura zientifikoa da gure jakintzagaia (ikasgai hau hautazkoa da).
Hemen dago gure 1. atazaren lana!
ELEIZALDE IKASTOLAko talde berria!
Kaixo, hemen bialtzen dizuegu Eleizalde ikastolako IRAES21 taldeko partaideen aurkezpena.
Zorionak eta Gabon zoriontsuak izan!
1go ataza - TRUEBA IKASTETXEA
Kaixo lagunok!
Egun hauetan IRAES21 proiektuaren lehenengo ataza aurrera eramateko lehenego ataza eta bideo batzuk grabatu ditugu honen inguruko hausnarketa egin ostean.
1go ataza - ANGELES CUSTODIOS
Angeles Custodios ikastetxeko jasangarritasun taldeko ordezkariak gara eta hona hemen 1go atazaren inguruan egindako lana.
asteazkena, abendua 13, 2023
1go ataza: MOTIBAZIOA
Ikasle agurgarriak,
Dakizuen bezala, egun hauetan COP 28 garatzen ari da, eta nahiz eta asko garen mundu bidezkoago eta jasangarriago baten alde lan egiteko beharraz jabetzen garenok, oraindik pertsona batzuk (horietako batzuk herrialdeetako presidenteak) ukatu egiten dute bizi dugun larrialdi klimatikoaren ebidentzia.
Horregatik da hain garrantzitsua
zuen zeregina, beharrezkoa da gazteek bizitzeko moduko etorkizun bat
aldarritzea, non gizon-emakumeen lehentasuna bizitza modu desberdinetan
bermatzea izango den.
Joan den ikasturtean IRAES21en gaia larrialdi klimatikoa izan zen eta ikasturte honetan KONTSUMOA eta horren ondorioak izango ditugu ardatz.
Ikasturtean zehar kontsumoaren
gaia lantzeko lau erronka proposatuko dizkizuegu.
Lehenengoan, gertukoa gerta dakizukeen kasu bat aurkezten dizuegu, eta eztabaidaren bidez, taldean adostu behar duzue nortzuk diren biktima, delituaren eszena, konplizeak eta abar (ez dago erantzun zuzen bakarra eta zuen argudioen eta hausnarketaren bidez bete ahal izango duzue zeregina)
Erronka horri hainbat irakasgaitatik edo eskola-momentutatik heldu ahal izango diozue, eta, horretarako, motibazioa lantzeko hainbat material eskaintzen dizkizuegu.
IRAES21 sarearen barruan, zuek bezalako gazte mordoa arituko da kasu bera lantzen, eta maiatzean ordezkariak Euskal CONFINTean elkartuko dira, bertan, gogoetak eta ekintzak aurkeztuko dira, eta zuen ordezkariak aukeratu ahal izango dituzue Estatuko CONFINT-erako.
Ataza bete eta gero, guri bidali blogean argitaratzeko. Nola? Zuek nahi duzuen moduan, hemen zuen sormenari mugarik ez ipini! Taula beteta bidaltzeaz aparte, ideo labur bat grabatu dezakezua, poster bat egin... nahi duzuena zuen erabakiak plazaratzeko.
Hori bai, guri bidaltzeko azken eguna urtarrilaren 10a izango da!
Bidali mesedez 2 helbide
hauetara:
ANIMO ZUEN LANAREKIN, ZEREN...
Orain ez bada, noiz?
Gu ez bagara, nor?
Detox (euskaraz) (1:48 arte bakarrik!)
Detox
(ingelesa) eta gaztelania (1:48 arte bakarrik!)
https://es.sustainyourstyle.org/en/whats-wrong-with-the-fashion-industry
(erderaz)
https://www.greenpeace.org/international/publication/6889/toxic-threads-the-big-fashion-stitch-up/ (ingelesez)
asteartea, abendua 05, 2023
2023-24ko ATAZAK LANTZEKO ARGIBIDEAK
"Hezkuntzak ez du mundua
aldatzen, mundua aldatuko duten pertsonak aldatzen ditu"
Paulo Freire
· Ikasturtean zehar
CONFINT metodologia erabiliko dugu honako fase hauek garatuz:
-
Motibatzea (1. ataza, abenduan)
-
Ikertzea (errealitatea
ezagutzea); (2. ataza,
urtarrilean)
-
Aldaketa irudikatzea – alternatibak
planteatzea (helburuak, erronkak... ekoantsietatea saihestea) (3. ataza, martxoan)
-
Jardutea (4.ataza, maiatzean)
-
Ordezkariak aukeratzea (Euskadiko
CONFINTen)
-
Hezikomunikatzea (4. ataza, maiatzean)
-
Ebaluatzea (prozesua eta
aldaketa) (4. ataza, maiatzean)
· Ikasturtean zehar
4 ataza garatu dira.
Ikasleak prozesua garatzen duten
bitartean, irakasleek 77/2023 dekretuaren elementu pedagogiko hauek kontuan
hartzen direla bermatuko dute:
-
Pentsamendu
kritikoa
-
Errealitatearen
konplexutasuna
-
Ikuspegi
ekosoziala
-
Ikasleen
ahalduntzea
-
Ziurgabetasunerako
hezkuntza
-
Ekintzarako
konpetentzia
-
Kultura
demokratikoa
-
Bizitza erdigunean
ANIMO ETA ESKERRIK ASKO GUZTIO!
osteguna, azaroa 16, 2023
GAZTE CHANGE - IRAES21ko ordezkaria
Estatuko CONFINTen egon den IRAES21eko ikasle baten aurkezpena hemen
Bideo osoa hemen (57. minututik aurrera)
Lagunarte Elkartea, BBK Family eta UNICEF Euskadiko Batzordea bosgarren urtez jarraian elkartu dira GAZTECHANGE ekitaldi berritzailean, San Mames futbol-zelaiko Iparraldea aretoan, azaroak 17an, arratsaldeko 18:00tan, Haurren eta Nerabeen Nazioarteko Eguna ospatzeko
BILBOn, 2023ko azaroaren 15ean – Lagunarte Elkarteak, BBK Familyk eta UNICEF Euskadiko Batzordeak 2019an Euskadiko haurren, nerabeen eta gazteen parte hartzeko eskubidea mahai gainean jartzeko helburuarekin abian jarri zuten GazteChange ekintza berritzailearen bosgarren edizioak badu data zehatza: hurrengo ostiralean, azaroak 17, San Mames futbol-zelaiaren Iparraldea aretoan, 18:00 eta 20:00 bitartean.
Gazteek parte hartzeko duten eskubidea sustatzeko gune bat ematea, haiei ahotsa ematea eta haiei entzutea da helburua. Xabier Madariaga kazetariak aurkeztuta, doako zazpi hitzaldi egingo dira, euskaraz eta gaztelaniaz egun bogan dauden hainbat gairen inguruan. Tarteka, Arima Dantza Eskolaren eta Haizea Roldán eta Ainara Alonso abeslarien ekitaldiak izango dira, topaketa aparta girotzeko. Streaming bidez ere jarraitu ahal izango da www.eitb.eus webgunean.
Hartu zure sarrera dohainik hemen.
“Gazterronkak” barruan, GazteChange2023an zortzi gaztek egunero aurre egin behar dieten erronkei buruz hitz egingo dute:
– Miriam Lujua: “Artista izatea eta antsietatea edukitzea” Arlo artistikoaren eta, aldi berean, antsietatea izatearen arteko ibilbide partekatuaz hitz egingo du. Nola eragin dion eta maila pertsonalean eta profesionalean antsietateak bere bizitza osora ez hedatzeko erremintak nola barneratzen joan den azalduko du.
– Dafne Gonozález: “Arraila, gorputzean” 11 urtez Elikadura-portaeraren nahasmendua (TCA) jasatea nolakoa den eta uzten dituen ondorioekin hobetzen joatean nola sentitzen den azalduko du.
– Inazio Nieva: “Erronka barneratzaileak gure egungo gizartearentzat” Bere ikuspuntutik azalduko ditu gizartea inklusiboagoa izateko zein diren erronkak.
– Yevheniia Shekhovtsova eta Yuliya Shalapko,: “Bizitza gerraren aurretik eta ostean”. Gazte hauek Ukrainan gerratea hasi aurretik zuten bizitzaz, Espainiara etortzeaz eta Bilboko bizitzaz hitz egingo dute. Halaber, haien esperientzia pertsonala, eta gerran aurre egin behar izan zizkieten erronkak kontatuko dizkigute.
– Inés Van Herckenrode: “Gaur egun ekiteko 3 erronka” Ekintzailetza munduaren erronkei buruzko enpresari gazte baten ikuspuntua. Ekintzailetza beste begirada batekin ikusten lagunduko dizun hitzaldia.
– Adei López: “Ingurumen liderrak eratzen: Gazteen funtsezko betekizuna jasangarritasunean”. Gazteen jasangarritasunaren alde egitea gero eta garrantzitsuagoa dela azalduko digu. Belaunaldi berriek gero eta barneratuago dute gizarte-aurrerabidearen aldeko gazteen konpromisoa, eta Agenda 2030ek ezartzen dituen Garapen Iraunkorreko Helburuak (GJH) betetzea ezinbestez eragiten du horrek.
– Dani Vivian: “Bidaia”. Athletic Clubeko jokalariak prozesu bateko une guztiak garrantzitsuak direla azalduko du.
Halaber, ekitaldia Sopelako Arima Dantza Eskolaren ikuskizunekin hasi eta bukatuko da, eta Ainara Arroyo eta Haizea Roldán abeslarien musika-ikuskizunak ere izango ditugu tarteka.
“Nerabeei eta gazteei eragiten dieten gaien inguruan parte hartzeko eta entzute aktiboko guneak sortzea oso baliagarria eta interesgarria da hiritar aktiboak sustatzeko, haien eskubideak bermatu eta haiek garatzeko. Haien ideiak, ekimenak, ezinbestekoak dira erronkaz betetako munduan aurrera egiteko, belaunaldien arteko erantzukizuna funtsezkoa den mundu honetan”, azaldu du Elsa Fuentek, UNICEF Euskadiko Batzordearen koordinatzaileak.
BBK Familytik, Ainhoa Allendek, proiektuaren koordinatzailea adierazi du “nerabeek eta gazteek erronka asko dute aurrean, egun gizarteak jasaten ari den aldaketen ondorioz, gatazka belikoak, klima aldaketa, RRSSen bidez proiektatzen den irudiak hartu duen garrantziaren ondorioz jasaten duten presioa… Horregatik, Gazte Change aukera ona da erronka horiei ahotsa emateko, aldaketa horiek bizitzen ari diren gazteen eskutik”.
Gazte Change Eusko Jaurlaritzako Berdintasun, Justizia eta Gizarte Politiketako Sailarekin lankidetzan egiten da.
Ez galdu Gazte Change, Gazterronkak ekimenaren bosgarren edizioa San Mameseko Iparra aretoan, azaroaren 17an, 18:00etan. Erreserbatu zure doako sarrera hemen.
asteartea, azaroa 14, 2023
ESENREDeko MINTEGIA
2023ko azaroaren 6tik 8ra bitartean, autonomia-erkidegoetako sareetako teknikariak (IRAES 21ekoak barne) CENEAMen bildu gara (Segovia), aurreko ikasturtea ebaluatzeko eta 2023-24 ikasturteko lan-ildoak finkatzeko.
Oso esperientzia aberasgarria izan da, non lanordu asko partekatu ahal izan ditugun.
Jarrai dezagun guztion artean mundua hobetzen hezkuntza ekosozialaren bidez!
.%20KANPOANpng.png)
.png)
asteartea, urria 24, 2023
IRAES 21
Irakasleen 1go bilera
.jpg)
2023ko urriaren 6an, IRAES 21eko irakasleek eta Berritzegune Nagusiko Jasangarritasunerako Ingurumen Hezkuntzako aholkulariok gure ikasturteko 1go bilera izan genuen Eibarren.
Bertan, IRAES 21aren inguruko AMIA bat egin genuen (aukerak, mehatsuak, indarguneak eta ahuleziak identifikatzeko) eta ikasturte honetako helburuak eta kronograma zehaztu genuen.
Mila esker guztioi!
CONFINT 2023 (Granada)
Urriak 15etik 18ra, EAEko 5 ikasle, irakasle bat eta Berritzegune Nagusiko aholkulari bat CONFINTen
egon gara. CONFINTa 2010ean
sortu zen eta EAEtik IRAES21parte hartu ez ezik, antolatzen duen sarearen parte
akitboa gara (ESenRED) sarea.
 | Entre
el 15 y el 18 de octubre se celebrará en Granada la «VI Conferencia
estatal de Jóvenes. Enrédate por el clima» (CONFINT), un encuentro que,
bajo el lema «Enrédate por el clima», y coordinado y promovido por la
Red Estatal de Escuelas hacia la Sostenibilidad en Red (ESenRED) en
colaboración con este ministerio, reunirá a alumnado de toda la
geografía española. www.educacionyfp.gob.es |
Hiru
egunez, Estatu osoko ikasleen ordezkariak (besteak beste, IRAES 21, hainbat tailerretan aritu dira. Horrela, klima-larrialdiari buruzko
hausnarketarako eta eztabaidarako gune bat ireki dute. Gainera, egungo
krisi soziosozialari aurre egiteko ordezkatzen dituzten ikastetxeetan
abian jarri diren proiektuak azaltzeko aukera izan dute.
Era
berean, Euskadiko ikasleetako bat Espainiako II. Hiri Foroan parte
hartzeko gonbidatua izan zen, beste lau ikaskiderekin batera eta beren gogoetak helarazi ahal
izan zituzten.
Euskadi
ordezkatzen zuten 5 ikasle horiek egindako lanarekin batera, IRAES21eko
irakasle batek irakasleentzako programan parte hartu du, eta
Berritzegune Nagusiko Jasangarritasunerako Ingurumen Hezkuntzako lerroko
aholkulari batek koordinatu du ekitaldia, ESenREDeko (estatuko sareen
sarea) kideekin batera.
Azpimarratu nahi dugu 5 ikasle horiek urtero Busturian egiten den euskal
CONFINTera joan ziren ikasleek aukeratu zituztela, eta Granadan,
horietako bat aukeratu dutela estatuko ikasleak etorkizuneko
ekitaldietan ordezkatzeko.
Eskerrik asko partaide guztiei eta laster arte!
osteguna, ekaina 22, 2023
EUSKAL CONFINT: Ordezkari berriak
Euskal Confint egin eta gero hautatu ikasleek hautatu dituzten EKOLIDERRAK ikastetxe hauetakoak dira:
AZKOITIA BHI
ELORRIO BHI
URDANETA
EL REGATO
ANDRAMARI IKASTOLA
BEURKO BHI
Hemendik aurrera horiek ordezkatuko zaituztete foro ezberdinetan
ZORIONAK!
astelehena, ekaina 05, 2023
Ekainak 5:
INGURUMEN NAZIOARTEKO EGUNA
ESrenRED Estatu mailako ikastetxe eta erakunde publikoen hezkuntza ekosozialaren aldeko sare bat da.
Egitura horretatik eta INGURUMEN NAZIOARTEKO EGUNA ospatzeko, ikastetxeetatik aldaketa klimatikoari aurre egiteko ekintzen bideoak bidaltzea proposatu genizuen.
Ikasleek garatutako ekintzak hiru arlotan sailkatuta daude: familiarra/pertsonala, ikastetxean eta ingurunean
Ikastetxean:
Andalucia-Asturias-Euskadi-Errioxa-CV-Palencia
Xesc-CV
Canarias-Andalucia-Asturias-Euskadi-la Rioja-Palencia
Familia / pertsonala:
Ingurunean:
Harpidetu honetara:
Mezuak (Atom)